„ბატონ ბიძინა ივანიშვილს ჩემში ინვესტიციის ჩადება დაწყებული აქვს 2014 წლის დეკემბრიდან“ – პრემიერი

„თუ რაიმე არ ეშლება ბატონ ბიძინა ივანიშვილს, ეს არის ინვესტიციები და სხვათა შორის არა მარტო ბიზნესში, რაც შეეხება ჩემში ინვესტიციას, ბატონ ბიძინა ივანიშვილს ჩემში ინვესტიციის ჩადება დაწყებული აქვს 2014 წლის დეკემბრიდან, მას შემდეგ მას ეს არ უნანია, განსხვავებით თქვენი თავმჯდომარისგან, რომელიც მელიას გამო გადადგა თანამდებობიდან და ყველაზე კრიტიკულ მომენტში უღალატა საკუთარ გუნდს“ – ასე მიმართა ირაკლი კობახიძემ საპარლამენტო ტრიბუნიდან „გახარია საქართველოსთვის“ წარმომადგენლებს. მთავრობის მეთაურის თქმით, მას შემდეგ ის ყოველ ჯერზე იყო საარჩევნო შტაბის უფროსი და გახარიას პარტიის საარჩევნო შედეგი 2024-დან 2025 წლამდე განახევრდა. „მას შემდეგ ყოველ ჯერზე ვიყავი საარჩევნო შტაბის უფროსი და ყოველ ჯერზე დაგამარცხეთ არჩევნებში და თქვენი საარჩევნო შედეგი 2024- დან 2025 წლამდე განახევრდა. ამ თქვენი აგენტურული და მოღალატეობრივი საქმიანობით მოახერხეთ და ერთ წელიწადში 2024 წლის ოქტომბრიდან 2025 წლის ოქტომბრამდე განახევრეთ საკუთარი ამომრჩეველი, რაც დადასტურდა მუნიციპალურ არჩევნებში თან კონკურენტი არ გყავდ…